A confraría do Porto do Son mantén a actividade ao longo do ano grazas á alternancia de artes e á chegada dalgún cerqueiro que traballa preto da zona e se achega ao porto local a descargar. Un dos seus principais produtos é o polbo, aínda que tamén tiña unha maior presenza o percebe. Nos últimos tempos esta especie foi perdendo protagonismo, algo que lamenta o patrón maior, Emilio Queiruga.
