Hoxe, 13 de novembro, inaugúrase a campaña electoral para estas eleccións xerais. A cidadanía acudirá ás urnas o vindeiro día 29, e nestas dúas semanas os candidatos á Moncloa presentarán as súas propostas á sociedade. Esta noite deuse o primeiro e tradicional paso: a pegada de carteis. A praza do Centenario centrou a actividade en Ribeira, á medianoite, o Partido Popular colocaba as primeiras imaxes. Este ano polo grupo popular concorren dous ribeirenses. Fabiola García é a número dous pola provincia coruñesa ao Congreso dos Deputados, e Manuel Ruiz o número cinco.
