Axentes do Servizo de Gardacostas de Galicia, dependente da Consellería do Mar, comisaron nos últimos días 575 quilos de ourizo. Foi nunha actuación realizada na zona de Lariño, en Carnota, onde varias embarcacións estaban faenando nunha zona que non lle correspondía.
A Consellería do Mar fai un chamamento á cidadanía para que non adquira peixe e marisco fóra das vías legais, xa que pode supor un risco para a saúde ao non ter pasado ningún tipo de control que o avale.