O Pazo de Goiáns converteuse o pasado venres nun espazo para a memoria e a reflexión coa presentación do libro Por que ninguén falou delas? O descoñecido Patronato de la Protección a la Mujer.
A autora, Belén López Cilleiro, leva anos investigando o funcionamento desta institución creada polo réxime franquista en 1941 e que permaneceu activa ata 1985. Un organismo que, baixo o pretexto de protexer e reeducar ás mulleres, acabou converténdose nun instrumento de control social, moral e de clase.
