A brigada municipal de obras emprendeu unha actuación dirixida á renovación da pavimentación nun tramo da rúa Fontenova, na parroquia de Castiñeiras.
A obra afectou a unha lonxitude de 85 metros liñais situados entre a estrada xeral DP 7307 e o desvío á rúa Alto do Rial, xusto por diante do colexio Sagrado Corazón. Consistiu na instalación de formigón semipulido combinado con franxas de pedra, substituíndo ás antigas lousas alí dispostas a causa das súas continuas roturas.
Os operarios municipais empregaron quince días nestes traballos, que terán continuidade con outras actuacións no entorno. A lousas retiradas serán reutilizadas pola brigada.