Hoxe levouse a cabo a celebración do día grande da Policía Nacional: a festividade dos Anxos Custodios, o patrón do corpo. A xornada comezaba pola mañá cunha misa solemne na igrexa parroquial de Ribeira e, tras este acto relixioso, a conmemoración trasladouse á Casa do Mar para render homenaxe aos axentes falecidos en acto de servizo e destacar o labor fundamental que desempeña o corpo na seguridade de toda a comarca.
Durante a súa intervención, o xefe da comisaria, Diego Amaya, repasou as principais actuacións desenvolvidas no último ano, destacando a resolución de graves delitos, a desarticulación de puntos de venda de drogas e o esforzo operativo que supón garantir a seguridade na comarca.
