O hipermercado Eroski de Noia foi o lugar escollido por Vegalsa para conmemorar a primeira década de distribución da súa propia marca de leite, ademais da aposta por promover e apoiar a gandaría local. O director de Compras de Vegalsa-Eroski, Jorge Eiroa, destacou este feito e afondou nos números obtidos nestes dez anos nos que tamén se promoveron os compromisos da firma de xerar riqueza no territorio, apoiar aos produtores locais e ofrecer un produto de proximidade con todas as garantías de calidade.
