A pontevedresa Cidade Infantil Príncipe Felipe conmemora o seu 50 aniversario, medio século acollendo e formando a nenos e xoves en situación de riscou ou exclusión social. O centro presta diferentes servizos sociais en áreas de xuventude, familia, atención á muller e ao maior nos diversos centros que ten. Esta maña o presidente da Xunta, Alfonso Rueda, asistiu aos actos de celebración do seu 50 aniversario e destacouno como un referente no sistema galego de protección á infancia e como un dos modelos máis integradores de España.
