O titular do Goberno galego, Alfonso Rueda, visitou esta mañá o Centro de Coordinación Central de Defensa contra os Incendios Forestais, situado en San Lázaro, Santiago. Nese escenario Rueda destacou a profesionalidade, compromiso e valores solidarios do persoal do dispositivo galego contra os incendios forestais e fixo un chamamento á cidadanía para que colabore na detección temperá dos lumes. Ademais recibiu unha representación dos efectivos que se mobilizaron para colaborar nos lumes de León e Ávila.
