As portas do centro de saúde de Ribeira enchéronse esta mañá de veciñas e veciños que reclaman unha vez máis contar cunha atención pública de calidade. A voceira da Plataforma en Defensa da Sanidade Pública do Barbanza, Marián Rodríguez, afondou na situación na que se atopa o ambulatorio local a poucos días de arrancar xullo, o primeiro mes do verán de gran afluencia de visitantes e de vacacións.
