Boiro acolleu esta fin de semana a velada de boxeo Memorial Luis Torrado Treus na que se viviron nove combates no pavillón de Barraña. 18 púxiles participaron nesta cita na que se veu o potencial que ten a comarca nesta disciplina, tanto na categoría amateur como na profesional. O triunfo no campionato galego neoprofesional que se desenvolveu nesta velada foi para o noiés Pablo Linayo, que se impuxo a Samuel Calderas para pechar por todo o alto o día de boxeo.
