O sábado pola mañá a emoción encheu o módulo de taekwondo da Fieiteira. O Natural Sport, en plena celebración polo seu 30 aniversario, rendeu homenaxe a Luis Casais como agradecemento á súa colaboración no club dende a súa fundación. O preparador físico recibiu o agarimo dos representantes do Natural, do concello de Ribeira e tamén de amigos e compañeiros de carreira e profesión, uns de forma presencial e outros a través dun emotivo vídeo.
