Dende o pasado mércores ata onte, Outes foi o porto base do cinema documental. O concello acolleu a celebración da sexta edición da Mostra Internacional Mares da Fin do Mundo, cita que finalizou tras cinco xornadas protagonizadas por diferentes actividades vencelladas ao cine e ao mar. A Casa da Cultura da Serra de Outes foi un dos escenarios principais deste certame e foi protagonista do derradeiro día xa que nela se proxectaron as películas enmarcadas na sección Popa, dedicada á proxección de arquivos e filmes históricos.
