Esta fin de semana a Primeira Galega despediuse coa disputa da xornada 34, xornada que os equipos da comarca afrontaron coa tranquilidade de ter os deberes feitos con antelación, coa dúbida de que pasará coa Esteirana. O Cidade de Ribeira despediuse da categoría empatando na casa ante o Xallas, que se xogaba colarse nos postos da promoción de ascenso. O Puebla sumou a súa última vitoria tras impoñerse por 4-3 ao Soneira mentres que a Esteirana rematou a campaña cunha derrota ante o Dumbría.
