Ponte Nafonso xa loce as súas novas galas. Tras un ano de traballos, as obras que se estaban a desenvolver na histórica infraestrutura que une Outes e Noia remataron e xa está aberto o tráfico aos vehículos e aos peóns. O alcalde de Outes, Manuel González, sinala que é unha boa nova despois de que os traballos de posta en valor e arranxo da ponte se prolongaran máis do agardado por paralizacións e cambios no proxecto.