O Concello de Outes vén de informar de que está realizando os trámites para ampliar as prazas de Educación Infantil que actualmente oferta a través do Punto de Atención á Infancia (PAI). O alcalde, Manolo González, recordou que no ano 2020 se ampliaran os servizos ofrecidos polo centro, aumentando horarios e persoal para garantir a oportunidade dunha conciliación efectiva ás familias de Outes. O anterior, xunto coa extensión da gratuídade por parte da Xunta de Galicia -inicialmente aos segundos fillo/as e agora a todos os usuarios de educación infantil- provocou que a demanda deste servizo se vira incrementada, razón pola cal se fai oportuno ampliar a oferta de prazas.