A posible reapertura das minas de San Fins, en Lousame, está xerando inseguridade nos mariscadores que traballan na ría de Muros-Noia. Para recuperar a actividade nas minas é preciso facer un vertido de augas contaminantes ao río Pesqueira, polo que a confraría de Noia presentou unha moción no Concello de Outes contra esta acción, que foi aprobada por unanimidade.