A Policía Local de Ribeira, en colaboración co Corpo Nacional de Policía, levou a cabo na madrugada do sábado ao domingo un control preventivo de alcohol e drogas. Os axentes puxeron o dispositivo na praza da Concordia, preto da rotonda das Amas de casa, onde estiveron dende as 3.30 da madrugada ata as 6. O control saldouse con catro denuncias por consumo de alcohol e drogas, mentres que un condutor recibiu unha sanción por carecer do seguro obrigatorio.