Dende o comezo do traballo nas concesións noiesas, os máis de 1.300 mariscadores a pé e a flote das catro confrarías da ría están a acadar sen dificultade os topes establecidos de berberecho e ameixa xapónica.
A calidade do produto e a forte demanda por parte da industria conserveira están a propiciar uns prezos moi elevados no mercado, cun berberecho de terceira que supera os 10 euros o quilo e a ameixa xapónica rozando os 12 euros.
