A campaña da Dirección Xeral de Tráfico estenderase ata o xoves 29 de outubro, coincidindo co cambio de hora e o empeoramento das condicións meteorolóxicas. Os axentes intensificarán os controis para garantir a adherencia e a visibilidade na rede viaria galega.
A normativa fixa en 1,6 milímetros a profundidade mínima legal do debuxo dos pneumáticos, aínda que dende o sector instan a non apurar os límites e substituílos antes de que o desgaste comprometa a seguridade.
