O Obradoiro de Emprego Tahume VI, promovido por Ribeira e Porto do Son, chegou ao seu fin tras 9 meses de aprendizaxe e formación. Os 20 alumnos participantes recibiron hoxe na Casa da Cultura de Xuño a súa titulación nun acto no que participaron os alcaldes dos concellos organizadores, Manuel Ruiz e Luis Oujo, a directora do obradoiro, Estefanía Ordóñez, e a xefa territorial de Emprego, Judith Fontenla. Os presentes felicitaron aos alumnos e desexáronlle sorte na nova etapa laboral.