A concellería de cultura de Noia segue traballando na posta en marcha de diferentes actividades culturais. A programación do mes de setembro deixará para mañá e para o sábado tres novas iniciativas. Por un lado, mañá venres a Casa da Cultura acollerá a partir das 18 da tarde a representación da obra Brilla-Brilla da man de Trémola Teatro. Esta obra infantil dura 30 minutos e está dirixida a bebés de 6 meses ata os 3 anos.
