A Xunta de Galicia vén de investir nas obras de rehabilitación e posta en valor da ponte Nafonso, entre os municipios de Noia e Outes, que suporá un investimento autonómico de máis de 700 mil euros. A actuación consistirá na substitución de pavimento e da varanda existente, que se atopa deteriorada. Ademais levarase a cabo a limpeza dos paramentos exteriores coa fin de mellorar o seu aspecto estético, eliminado os elementos danados da fachada da fábrica de pedra para mantela en bo estado de conservación.
