O Concello de Outes segue a traballar na mellora das instalacións do municipio. O saneamento da localidade centrará as próximas actuacións do concello, xa que tal e como afirma o alcalde, Manuel González, funciona de xeito deficiente.
Para mellorar a rede de saneamento González ten varios frontes abertos. Un deles está centrado na depuradora de Outes que non está a prestar os servizos de forma adecuada.
O outro punto que centrarán as melloras é a ampliación da rede de saneamento en varias parroquias de Outes e levalo a outras nas que non chega. Para realizar estas obras investirase 200.000 euros
González sinalou que aínda queda moito por facer, pero que están dando pasos concretos para poder realizar as actuacións precisas.