O Concello de Noia deu a benvida esta mañá nun pleno extraordinario á Ana Isabel García Álvarez, a nova edila do grupo municipal do Partido Popular. García Álvarez substitúe a Mariola López, que en xullo renunciaba a súa acta como concelleira por motivos familiares. Por outra banda, dada a incerteza na evolución da pandemia da Covid-19, aprobouse por unanimidade unha dotación orzamentaria de 60.000 euros para cubrir necesidades sociais derivadas da situación de emerxencia sanitaria, tanto no eido de educación coma no de sanidade.
