O Concello de Noia convoca as axudas para o servizo de comedor e a compra de libros e material didáctico no curso 2020-2021

O Concello de Noia destinará 38.500 euros ás axudas para adquisición de libros de texto e material didáctico e para o financiamento do servizo de comedor escolar para alumnos e alumnas de educación infantil e primaria durante o curso académico 2020-2021. Unha convocatoria cuxas bases foron publicadas hoxe no Boletín Oficial da Provincia, polo que a partir de mañá, 17 de xullo, ábrese un prazo de quince días para a presentación de solicitudes no Rexistro Xeral do Concello.