O Concello da Pobra prepárase para continuar a desescalada, e reincorporar paulatinamente ao persoal aos seus distintos departamentos. O alcalde Xosé Lois Piñeiro indicou que están a piques de aprobar un protocolo de reincorporación destes traballadores, para cuxa elaboración se tomou de base tanto o protocolo da Xunta de Galicia como o do propio servizo de prevención de riscos laborais do concello. Nun primeiro momento os traballadores incorporaranse por quendas en cada departamento, adoptando todas as medidas de protección necesarias.
