Cun investimento de máis de 200.000 euros a Xunta vén de dar inicio á redacción do Plan Director de Saneamento de Noia . Trátase dun documento que ofrecerá “un diagnóstico completo do estado da rede de abastecemento e saneamento da vila.
Así o indicou o alcalde noiés, Santiago Freire Abeijón, que mantivo a pasada semana unha xuntanza coa conselleira de Infraestruturas e Mobilidade, Ethel Vázquez, e co delegado territorial da Xunta na Coruña, Ovidio Rodeiro, xunto con outros integrantes do goberno municipal.

