Música, obradoiros de diverso tipo, cine ao aire libre, maxia, festas e visitas guiadas centran gran parte da ampla programación de Rúas Vivas.
A presentación das distintas propostas desenvolveuse esta mañá e estivo presidida polo alcalde de Noia, Santiago Freire Abeijón. Neste acto estivo acompañado pola concelleira de Eventos, Ángela Neri, pola presidenta da asociación de comerciantes Noia Histórica, Yanira Somoza, e polo artista José Luis Veiras Manteiga, creador, un ano máis, da imaxe do programa.

