O curso escolar arrincou no centro con problemas severos. Dun total de seis traballadoras necesarias para atender aos 40 nenos e nenas matriculadas, na actualidade só hai dúas incorporadas. Esta situación de falta de persoal e incumprimento das ratios obriga a limitar a atención ás familias soamente ata as 13:30h.
Ante esta situación insostible, a rexedora remitiu unha carta formal á conselleira de Política Social, Fabiola García, reclamando a cobertura inmediata das prazas vacantes e transparencia sobre os prazos de incorporación do persoal para restablecer a normalidade e garantir a conciliación laboral e familiar na contorna.
Unha denuncia pon o foco na urxencia de dotar de recursos suficientes aos servizos públicos educativos da comarca.
