A Xunta insiste en que quere unha AP-9 galega, pero non a calquera prezo. María Martínez Allegue reclama que o Estado deixe por escrito que asumirá as consecuencias económicas das decisións adoptadas antes do traspaso.
Entre as garantías, a Xunta pide que Galicia non teña que facer fronte a unha eventual nulidade das prórrogas da concesión, que o Estado asuma as inversións necesarias na autoestrada e que queden asegurados os fondos para manter e ampliar as bonificacións.
