O acordo foi rubricado polo conselleiro de Emprego, Comercio e Emigración, José González, xunto a representantes de UGT-Galicia e da Confederación de Empresarios de Galicia, no marco do Diálogo Social.
O plan marcará a folla de ruta para o período 2026-2029 e ten como obxectivo reducir as baixas laborais evitables, reforzar a prevención de riscos, mellorar a xestión das incapacidades temporais e favorecer unha reincorporación saudable ao posto de traballo.
