As bombas de palenque soaron esta mañá ás 10.00 en Ribeira para sinalizar o inicio das súas Festas do Verán. O municipio está de celebracións e esta mañá foi a quenda de ruadas, partidas de xadrez e unha exhibición de taekwondo da man do Natural Sport. O pregón, a cargo da reitora da Universidade de Santiago de Compostela, Rosa Crujeiras, arrancou ás 21.30 na praza do Concello e contou coa presenza da conselleira de Política Social, Fabiola García, e do conselleiro de Cultura, José López Campos.
