Tres días para aproveitar as últimas promocións do verán e, ao mesmo tempo, dinamizar o comercio local. A Asociación Boirense de Empresas pon en marcha a partir de mañá Fóra Stocks Boiro 2026, unha campaña na que os establecementos participantes ofrecerán descontos e ofertas especiais de fin de tempada.
As promocións poderán atoparse tanto no interior dos negocios como no exterior, co obxectivo de facelas máis visibles e animar á veciñanza e aos visitantes a achegarse aos comercios.
