Dez persoas participaron nesta acción formativa desenvolvida por Amicos no marco do programa +Emprego Galicia, en colaboración coa Fundación “la Caixa”. O curso estivo adaptado a persoas cun coñecemento moi básico do español, para que puidesen preparar o exame de Prevención de Riscos Laborais, un requisito habitual para acceder a numerosos postos de traballo na industria alimentaria.
