Xa está en marcha o novo obradoiro dual de emprego promovido polos concellos de Muros e Carnota. O programa permitirá que 20 persoas melloren a súa cualificación profesional ao tempo que desenvolven tarefas prácticas remuneradas relacionadas coa xestión forestal e a conservación de montes.
A iniciativa impartirá formación en aproveitamentos forestais e xestión da biomasa forestal, así como en actividades auxiliares de conservación e mellora de montes. O obxectivo é facilitar a inserción laboral dos participantes nun sector con demanda de profesionais cualificados.
