Os concellos de Noia, Outes e Lousame poñerán en marcha o obradoiro dual de emprego “NOIA-OUTES-LOUSAME 2026”, tras recibir unha subvención da Xunta de Galicia de 522.052 euros.
O programa permitirá a formación e contratación de 20 alumnos e alumnas durante nove meses, combinando aprendizaxe teórica e práctica profesional en actuacións vinculadas ao ámbito forestal e á mellora ambiental.
