A xornada 27 da Primeira División de Fútbol Sala deixou un encontro cheo de alternativas e que algúns definen de loucura entre o Noia Portus Apostoli e o Quesos Hidalgo Manzanares. O Agustín Mourís vestiuse de gala para acoller o derradeiro encontro dos noieses na casa nesta campaña e os espectadores viviron un dos encontros máis especiais e goleadores de sempre. Os dous equipos alternaron o mando no luminoso ata que os brancos afinaron a puntería para deixar o triunfo na casa ao gañar por 8-4 ao sexto clasificado.
