A comarca do Barbanza leva anos sen chan industrial para o asentamento de novas empresas ou a ampliación das actuais. Esta falta de espazo está a lastrar ás firmas locais e de fóra que queren asentarse e implantarse nos municipios da contorna, pero que finalmente vense na obriga de ir a outros puntos. Os empresarios da Pobra do Caramiñal levan tempo demandando accións para que haxa máis solo industrial na localidade e reclaman respostas ao Goberno local para conseguilo.
