A Terceira Federación Feminina finalizou esta fin de semana a súa competición regular polo que a EFM Concello de Boiro puxo punto e final a unha campaña para o recordo. As boirenses, que debutaron na categoría, repetirán experiencia o vindeiro curso logo de firmar grandes resultados na súa estrea no campionato. E puxeron un gran broche final, quedándose ás portas do triunfo, ao empatar na casa ante o líder indiscutible, As Celtas B.
