Non están a ser unhas xornadas doadas para o Noia Portus Apostoli. O equipo da vila noiesa está a sufrir unha praga de lesións, polo que David Palmas conta con poucos efectivos do primeiro equipo para medirse ao Córdoba Patrimonio de la Humanidad. A pesar de que o nivel anímico e físico non é o mellor, os brancos irán a polos tres puntos para achegarse ao seu obxectivo de estar entre os oito primeiros clasificados da Primeira División.
