A sentenza sinala que o Concello carecía dunha avaliación de riscos psicosociais, obrigatoria dentro do plan de prevención laboral. Segundo recolle o fallo, esta falta de medidas derivou nunha situación de risco para unha traballadora de Servizos Sociais.
De acordo coa resolución xudicial, a empregada foi enviada a unha vivenda cunha persoa toxicómana sen as garantías de seguridade necesarias.
O goberno local tamén lembra que a sentenza non é firme e defende o seu compromiso cos dereitos laborais do persoal municipal.
Pola súa banda, o Partido Popular de Muros esixe que se acate de inmediato a sentenza. Os populares reclaman a dimisión do concelleiro de Servizos Sociais ou, no seu defecto, a retirada das súas competencias, e piden tamén responsabilidades á alcaldesa, Maria Lago.
A polémica queda agora á espera de posibles recursos xudiciais e das decisións políticas que poida adoptar o goberno municipal nos vindeiros días.
