Abril arrancou dando comezo á 35ª Edición da Mostra do Encaixe de Camariñas. A Deputación sumouse á homenaxe que o concello rendeu ás súas palilleiras coincidindo co inicio desta cita. O concello aprobou a denominación de avenida das Palilleiras para unha vía pública do municipio e a representante do ente provincial, a deputada Mónica Rodríguez, asistiu aos dous actos onde punxo en valor o papel das palilleiras de Camariñas.
