Continúa a semana santa e a programación non se detén nos concellos do Barbanza. A noite do martes foi a quenda do Vía Crucis en Porto do Son, procesión que saíu da capela da Atalaia ás 22.00 horas para percorrer as rúas do municipio. Centenares de persoas formaron parte da comitiva que percorreu parte da localidade en rigoroso silencio, só interrompido polos cantos e a lectura das 14 estacións.
