A deputada de Industria e Emprego, Rosa Ana García, visitou esta mañá en Boiro a plantación de Olea Atlántica. Alí puido comprobar o bo estado dos oliveiros, que xa comezan a brotar de cara á próxima colleita, e coñecer de primeira man o proceso de produción dun aceite de oliva virxe extra 100 % galego.
O proxecto, con base no LAB Barbanza, forma parte da Rede Provincial de Coworking da Deputación, unha iniciativa que impulsa a creación e consolidación de novas empresas no territorio.
