Hai máis dun ano que Lidia Parada tivo que parar de competir por unha dura lesión. A pobrense tivo que pasar polo quirófano para reconstruír o ligamento cruzado anterior e os dous meniscos do seu xeonllo esquerdo. Logo de todo o proceso de recuperación e rehabilitación, a lanzadora de xavelina regresou ás pistas no campionato de Galicia, onde se proclamou campioa autonómica.
