O IES de Porto do Son recibiu hoxe a visita da delegada da Xunta na Coruña para poñer en valor o Grao Medio en Guía do Medio Natural e Tempo Libre do que alí se imparten clases. Conta con case 40 alumnos entre o primeiro e o segundo curso, e agora veñen de solicitar o Grao Superior ante a alta demanda de matrículas.
As principais motivacións profesionais dos que cursan esta formación son exercer como profesionais de actividades de lecer e tempo Libre.
Algunhas das actividades máis relacionadas con TEGU son traballar en empresas do sector turístico e realizar labores de guía en actividades de sendeirismo, roteiros de baixa e media montaña, travesías, roteiros con neve, barrancos, espeleología, bicicleta e turismo ecuestre. Tamén poden exercer como socorristas en diferentes ámbitos.