A praia de Broña foi o lugar escollido polo PP de Galicia para resaltar a importancia do traspaso das competencias do litoral do Goberno do Estado á Xunta. A secretaria xeral dos poppulares galegos, Paula Prado, visitou este recoñecido areal de Outes xunto co alcalde, Francisco Calo, e membros do Executivo local e fixo fincapé na importancia de contar coas competencias nesta área. Traspaso que definiu de fito histórico.
