O Obradoiro de Emprego Tahume concluiu hoxe a súa novena edición. 20 persoas recibiron os diplomas acreditándolles a formación en actividades auxiliares de xardinaría e mellora de montes. Os concellos de Ribeira e Porto do Son volverán contar cunha nova edición deste obradoiro un ano máis.
O centro cultural Lustres Rivas foi o lugar escollido para o acto de clausura do obradoiro, que contou coa presencia dos alumnos, o equipo docente, a delegada da Xunta na Coruña e representantes dos concellos de ambos municipios.
Con esta péchanse nove edicións dun curso que presta formación a persoas desempregadas para adquirir coñecementos nestes campos e facilitar a súa insertación laboral.
