19 noviembre, 2026
Image default

A GARDA CIVIL CONTINÚA A REALIZAR CONTROIS ENMARCADOS NA CAMPAÑA DA DXT PARA DETECTAR O CONSUMO DE ALCOL E DROGAS EN GALICIA

A Dirección Xeral de Tráfico impulsa ao longo desta semana unha campaña especial co obxectivo de diminuír o consumo de alcol e drogas ao volante. Os axentes da Agrupación de Tráfico da Garda Civil intensificarán ata o día 25 os controis de alcoholemia e presenza de drogas nas estradas galegas.

Esta mañá un dos puntos elixidos para desenvolver estes controis foi a rotonda que dá acceso á praia de Testal, unión entre o corredor Muros-Noia, Porto do Son e a vila noiesa. Unha zona cunha alta afluencia de vehículos e de turistas.

Segundo recorda a DXT, a única taxa segura ao volante é o 0% ademais de que o consumo de alcol non só está relacionado cunha maior accesibilidade, senon que tamén repercute nunha maior mortalidade.

Segundo os datos do Instituto Nacional de Toxicoloxía referidos ao ano pasado a nivel nacional, dos 862 condutores falecidos en 2023 en accidente de tráfico e sometidos a autopsia e análise toxicolóxico, un total de 462 condutores (o 53,6%) deron positivo nos resultados toxicolóxicos de alcol, drogas de abuso e/o psicofármacos, illadamente ou en combinación. Nestes resultados, o alcol segue sendo a substancia máis detectada nos condutores falecidos, cun 32,7%, seguido da cocaína e o cannabis, e en terceiro lugar, os psicofármacos.

Na mesma campaña especial desenvolvida o ano pasado entre o 14 e o 20 de agosto, a Garda Civil realizou 35.961 controis de alcoholemia en Galicia, dos que 538 foron positivos. Tamén efectuou 492 controles de drogas, con 244 positivos. Ademais, a 26 condutores instruíronselles dilixencias para o seu posterior traslado á autoridade xudicial por delitos contra a seguridade viaria.

Related posts

O MEXILLÓN REDUCE A SÚA CALIDADE DESPOIS DO VERÁN

CloudyX

A FEDERACIÓN GALEGA DE NATACIÓN BUSCA LÍDER

CloudyX

OS EQUIPOS DE EMERXENCIAS DA COMARCA INCREMENTAN AS SÚAS SAÍDAS POLAS INCIDENCIAS REXISTRADAS CO ARRANQUE DO MAL TEMPOOS EQUIPOS DE EMERXENCIAS DA COMARCA INCREMENTAN AS SÚAS SAÍDAS POLAS INCIDENCIAS REXISTRADAS CO ARRANQUE DO MAL TEMPO

CloudyX